Srn. Maru Nang Hkam (KTCS)

28 April 2017

Srn. Nhtum Hkawn San (KTCS)

MYITKYINA GINWANG NI MALI NMAI DE LARU HPYEN HKRUM AI NI HPE WA KARUM AI LAM

2017 ning April shta 9 ya shana de nbung laru kaba wa ai majaw / nta (116) hten za mat ai nna / tsinyam hkrum hkra nga ai/ Mali Nmai Buga Hpung/ Pungswi Yang mare de/ Myitkyina Ginwang hku nna/ wa du karum kahtau nga ma ai lam na chye lu ga ai. Wa karum ai lam hta Ginwang Amu Madu/ Ningtau Amu madu/ K/S hpa-awn ni woi awn ai hte/ Jaw Rap / Buga Hpung (10) kaw na shawa n gun marai (61) hte rau/ karum kahtau arung arai/ nta gap arung arai/ malu masha ni hte hpawn du lung wa nna / Sumpra Bum ginwang hku nna hpaw da ai Zinlum hpung komiti ni hte bawngban let galaw nga ma ai lam/ dum nta bai gawgap ai lam hpe madung dat galaw nga ma ai lam/ bai gap ai nta ni gaw hpun kawa hte galaw na raitim galup ai hpe gaw hpritsut hte galup ya na re lam, hpritsut pa(7000) daram ra kada n nga ma ai lam/ Ginwang ningtau Amu madu Rev. Layaw Dau Hawng shiga jaw ai hku nna na chye lu ga ai.

Rev. Lama Yaw

Rev. Mading Hkaw Bawm

Dr. N-gan Tang Gun

Srn. Zahkung Ja Ing

KACHIN ANTI-DRUG D-DAY AKYU HPYI HPAWNG LAMANG

Photo/ Du Li

Photo/ Htoi Awng

25 April 2017 ya jahpawt 8 A.M ten kaw nna 11:00 A.M ten Myitkyina mare, Manau Wang kaw Kachin Anti-Drug D-Day kyuhpyi hpawng lamang hpe Myitkyina, Sama, Waimaw Ginra Pat Jasan Komiti ni woi awn ai hte shawa n-gun (5000) jan shang lawm ai nna wu wu di di galaw lai wa sai. 

Photo/ Htoi Awng

Pat Jasan madun gawk hta Pat Jasan hkrun lam labau sumla ni hpe mudun da ai lam; Photo Exhibihition lamang hta Dumhpau Hkun Lat (Documentary Photographer) hte Maran Seng Mai (Myitkyina News Journal) yan a sumla ni hpe mung madun da ai lam chye lu ai. Lamang hta; Tingnyang Up - Srn. Maran Nan Ra Shawng (KBC) Mungga - Bishawp John Kumgyi Zau Li (Anglican Nawku Hpung) Pat Jasan N-gun jaw Ga – Rev. Laungoe Dau Lum (Ningbaw, AG-DC – 6) D-Day Lachyum hte Pat Jasan Report – Duwa Lungjung Tu Raw (Ningbaw, Myitkyina Ginra PJS Komiti) Ginlawm Akyuhpyi – Rev. Nhkum Naw Bawk (Amu Madu, Sama Ginwang, KBC) Shaman Akyuhpyi – Ningla Sara Kaba Salaw Shawng (ICM Nawku Hpung) Mahkawn hpe Sr. Latau Zau Lat (KTCS) hte manang ni woi awn sai lam chye lu ai. KACHIN ANTI-DRUG D-DAY AKYU HPYI HPAWNG LAMANG hpe 2014 ning kaw na galaw hpang wa sai hte daining gaw (4) lang ngu na galaw ai re lam chye lu ga ai. KBC MNK

Photo/ Du Li

Photo/ Htoi Awng

Photo/ Htoi Awng

Rev. Gunhtang La Myen

Dr. Layang Seng Ja (KTCS, Nawng Nang)

Rev. Lalawk Gyung Hkawng (Ningbaw, KBC)

2017 KACHIN ANTI DRUG DAY

WUNPAWNG MYU SHA, KANI NANGHPAM NINGHKAP NHTOI (KACHIN ANTI DRUG DAY) MUNG SHAWA AKYU HPYI HPAWNG LAMANG GALAW NA LAM April 2017


Myitkyina Ginra Pat Jasan Komiti kaw nna woi awn let 2017 ning Wunpawng Myu sha, Kani nanghpam ninghkap nhtoi (Kachin Anti Drug Day) mung shawa akyu hpyi hpawng lamang hpe 2017 ning April shata 25 (bat 2) ya shani hkying 8:00 Am ten, Myitkyina mare, Shatapru Manau Wang kaw galaw na re lam chye lu ai.

Dai hpawng de sa ai ni yawng Pat Jasan Hkying (Uniform) lu ai ni Uniform hpun sa nna, Uniform n lu ai ni gaw Jinghpaw Labu hte palawng ahpraw hpun sa na matu Pat Jasan Komiti ni ndau shabra dat ai lam hpe htawn shana ya dat ga ai.

Rev. Dr. Hkalam Samson

KBC KARUM KAHTAU HTE BAWNGRING SASANA MAGAM DAP SHIGA

KBC Karum Kahtau hte Bawngring Sasana Magam Dap kaw na woi awn ai hte Hkrung grin Bawngring Diploma jawng gawgap nga sai lam chye lu ai. Ndai Jawng gaw laika tsang ndep ai ni hpe kanbau bungli sharin ya lu na matu yaw shada ai lam, jawng gawgap ai lam n ngut shi ai raitim dai ning (2017) marai (45) hpe byin mai ai hku hkap la sharin hpang wa sai lam, 2018 ning kaw na gaw laning mi jawng ma marai (55) hpe hkap la sharin ya na re lam chye lu ai. Hpyenyen karum kahtau ai hte seng nna mung 2017 ning htum du hkra gaw lai sai shaning na hte maren naw karum lu na re lam, hpyenyen hpu nau ni a matu kanbau bungli hku nna Lak Sama hpaji sharin hpawng, Muk amyu my galaw shapraw ai hpaji sharin hpawng ni galaw sa wa na re lam KBC Karum Kahtau hte Bawngring Sasana Magam Dap hpa-awn Sr. Hpauyam Hka Li shiga jaw ai hku nna chye lu ga ai.  KBC MNK

NOG MUNG GINWANG LAB SCHOOL HTE CHYUM LAIKA SHARIN HPAWNG

NOG MUNG Giwang a 1 – Lang Na LAB School Sharin Hpawng hpe April shata 12 kaw na 16 ya laman Htanghtu Buga Hpung kaw galaw lai wa sai lam chye lu ai.

Ndai sharin hpawng hpe KBC Hkristan Hpaji Magam Dap hku lit la woi awn ai rai nna wa du sharin ya ai ni gaw Srn. Zinghtung Hkawn San (KBC) Srn. Maran Nang Shan (Myitkyina Mare Hpung), Sr. Labang Dai Lum (Myitkyina Ginwang Chyum Jawng), Srn. Nhkum Seng Mung, Sr. Nmai Awng La (Putao) ni rai ma ai.

LAB School sharin lamang hta Ginwang ting na sa du sharin la ai ni yawng marai (29) rai nna Chyum Laika Sharin hpawng hta gaw hpung masha ni yawng shanglawm ma ai lam, ndai Buga hta gaw KBC Hpung htinggaw (7) sha ng ai re lam shiga na lu ga ai.

 

Rev. Lahpai Ja Naw

KBC LAIKA HPAJI SASANA SHARIN HPAWNG HPANG SAI LAM SHIGA

21 – Lang na KBC Laika Hpaji Sasana Sharin Hpawng hpe April shata 19 ya shani kaw nna KBC Ginjaw Rung kaw galaw hpang wa sai lam chye lu ai.

Hpawnghpaw lamang hta KBC Ningtau Ningbaw Rev. Sumlut Brang Awng, Sr. Lasi Htang Wa, KBC K/S Tingnyang Up Rev. Lahpai Ja Naw hte Laika hpaji Sasana Komiti ni ahkum ara sa du woi awn la sai.

Sharin hpawng a shawngdaw shata mi gaw apnawng Sara/num ni marai (21) hpe shawng sharin nna hpang daw hta apnawng Sr/num dingsa ni hte bai gumhpawn sharin na re lam, Daining apnawng n Sr/Srn. Yawng marai (67) jahpan du nga sai lam chye lu ai.

KBC a Laika Hpaji Sasana gaw Bumring, Bumga hkan Sara n nga ai majaw Jawng n lu lung ai ma ni hpe hpaji shalat ya ai re majaw KBC a grai ahkyak ai Sasana Bungli re lam chye lu ga ai.

KBC MNK

21 April 2017 KBC Nsen Mu Na Online TV Shiga

NOG MUNG NAWKU JAWNG GAWGAP HPANG WA SAI SHIGA

KBC a Mali Hku Shapan Sasana masing hte maren Putao, Nog Mung Ginra kaw na Buga Hpung ni hpe pawn ba la ai lam hpe Ginwang hte Ginwang lit hprai let galaw nga ai Sasana bungli hta KBC Ginjaw hku nna ading tawk lit la nga ai Nog Mung Mare KBC Nawku Jawng gap ai lam hpang wa sai re.

April shata (12) kaw na (19) ya laman gaw KBC Ginjaw hku nna Rev. Chyinyu Zau Lawn (KBC Kunhting), Rev. Bau Tu Ja (Hpakant), Slg. Gum Ja Tu (Seng Tawng) ni hku nna wa du let gawgap ai lam ni hpe wa du kawan ai lam, Pe 80 X Pe 40 re Nawku Jawng gap na matu npawt nhpang jahkrat kyu hpyi hpawng galaw lu sai lam chye lu ai.

Nog Mung Mare Buga Hpung masha ni yawng grai myit rawt ai hte shawa n-gun hku nna grai shakut nga ma ai re.

Waimaw Ginwang ni hku nna Kasang Hku Nawku Jawng, Kutkai Ginwang ni hku nna Htang Htu Nawku Jawng, Htingnai Ginwang ni Kum Leng Nawku Jawng, gawgap ai lam ni mung ngut wa magang sai lam shiga na lu ga ai.

14 April 2017 KBC NSEN Mu Na Online TV Shiga

KBC NSEN MU NA (Online TV Shiga)

14 April 2017

Mu Na Lu Na Lamang Ni gaw;

1. KTCS (Nawng Nang) Hte KTC (Kutkai) Ni Sha-It Yang Idps Camp De Sa Du Karum Ai Lam Shiga
2. 13 – Lang Na KBC Magam Shachyen
3. Chihpwi Ginwang Shiga
4. Uru Seng Maw Ginwang Hkalup Hpung Ginjaw A 2017 – 2021 Mu Gun Ni
5. Manmaw Ginwang Hkalup Hpung Ginjaw A 2017-2021 Mu Gun Ni
6. 3 – Lang Na KBC USA Kasa Hpawng Shiga
7. 8 - Lang Na Hkahku Ginwang Num Shawa Sharin Hpawng
8. 12 - Lang Na Htingnai Ginwang Num Ningbaw Ningla Sharin Hpawng Galaw Ai Shiga
9. Share Uma Ga Ginhtawng Music Jawng Shiga
10. Mali Nmai De Nbung Laru Kaba Hkrum Nnayak Hkak Jamjau Nga Ai Shiga
11. ICM Ramma Shawa Hpawng Shiga

Matsing - Ndai Lamang hpe Bat manga ya shani shagu shapoi ya nga ga aii. #HD hku mai yu ai.

(Every Friday - KBC KACHIN Facebook Page)

Like, Share & Follow

Share Uma Ga Ginhtawng Music Jawng Shiga

Hkahku mung Ginwang, Share Uma Buga Hkalup Hpung hta Ginhtawng Music Camp htpe March shata 20 ya kaw nna April 2 ya laman galaw la lu sai; ndai Camp hta sa du sharin hkam la ai jawng ma yawng 106 rai nna, KTCS kaw na Field Work yu ai Sara/ saranum marai (4) hte Buga na Sara ni shanglawm sharin ya sai lam chye lu ai. Lai wa sai shaning ni hta kade galaw mayu ai raitim; malu masha yak ai majaw n mai byin mat mat re raitim daining gaw shawng nna ngu na Music Camp hpe galaw lu sai lam shiga jaw ai hku chye lu ga ai.    KBC MNK

3 – LANG NA KBC USA KASA HPAWNG SHIGA

Photo/KBC USA (MNK)

KBC USA a (3) Lang na Kasa Hpawng hpe April shata 7 ya kaw nna 8 ya laman Texas Ginwang, Houston Buga Hpung kaw KBC USA magam gun ni, Buga (19) kaw na dat kasa ni, yawng marai (56) sa du shanglawm ai hte galaw lai wa sai lam chye lu ai.

Dai Kasa Hpawng hta myit hkrum dawdan da lu ai lam nkau mi gaw;

1. KBC USA a kabu gara Shiga hte Sasana dap hpa-awn lit hpe Rev.Dr. Lagwi Bawm Luk (Michigan) hpe shatsam la lu sai lam.

  

2. KBC USA a hpung woi sara hpa-awn hpe Rev. Lakang Dau Qae hpe EC/KASA ni yawng myit hkrum ai hte shagrin da sai lam;

3. 2018 Ning hta Waimaw Chyum Jawng wang kaw galaw na (38) lang na KBC Hpung Shawa hpawng kaw nna gaw KBC USA Ginwang langai tai wa sana re majaw Ginwang Rung langai gawgap sa wa na lam;

4. September shata, Thai Mungdan, Bankok mare kaw galaw na OKBC zuphpawng de sa lawm na kasa dat na lam ni dawdan lai wa sai lam chye lu ai.

Photo/KBC USA (MNK)

7 April 2017 KBC Nsen Mu Na Online TV Shiga